غريب حسن
معرفش ليه واشمعنى هى .
وسط كل الكون بهيه
واللى غنالها ياسين
انتى مين ي اجمل صبيه
رنة الخلخال جميل
والحنين لترابها غيه
معرفش ليه واشمعنى هى .
اللى دايما تترسم فرعين وقله ...
والسُكنه لو اوضين وصاله
جوه منها احلى فيلا
شمسها والصيف موهوج
فوق جبينا احلى طله
معرفش ليه واشمعنى هى
رغم الكتير الطماعنين
العشمنين تبقى الضحيه
دايما حبيبتى طيبه
ومطبطبه عل اللى اتصبا
للبردنين فرش وغطا
وسط السنين دايما عافيه
رافعه جبينها للسما
بعيون آبيه
حبيبتى ام المطحونين
قبلة صلاة المؤمنين
محراب ركوع الاوبين
والسلسبيل للعطشنين
فرحة غيطان الفلاحين
فرش وغطا للبردنين
واحة امان المحرومين
حضن الامان للمرعوبين
بسمة عيون الشقينين
حبيبتى مش محتاجه
حاجه لوصفها
يكفى فى ملامح حسنها
اهرام ونيل