عشق الشاى

د.خالد عبدالحميد خربوش

الطريقه التعليميه
يحددوها الطلبه بس
هُمَّا دُوُل مقصِد حديثنا
والأساس من غير مَحَك

واللي غاوي بنفسه يظهر
في البرامج قُل لُه هُس
هوَّ مين في الإمتحان
 جايز يقفِّل أو يعُك

الولاد قالوا بنوصل
لاعلى درجات إستيعاب
والمدرس في المداخله
رأيُه جاف وياريت أضاف

من زمان قالوا لآباءنا
سايس ابنك ع الكِتَاب
والسياسي نهجُه يبقى
فـ أي طرح على اختلاف

كليات القمَّه فاتحه
للنتيجه ألف باب
يا(عُمَر حامد) دليلك
ع التفوُّق دا اعتراف

فخر لك إن إبتكارك
أي طالب بيه يحس
ولسنين واعيينه ده
باسبور نجاح بلا أدنى شك