سعيد عبد العزيز الحاجه
وأنا بأتمشى العصريه
بين الزراعه والميه
قبلتنى بنت صبيه
فلاحه بس عصريه
شعرها سلاسل ذهبيه
حواجبها مرسومه بتقنيه
عيونها سمرا وعسليه
رموشها متقلش غزاله بريه
وخدها تفاحه شاميه
وبسمتها مرسومه بعفويه
وأنوثتها طاغيه وقويه
وجسمها متقولش حوريه؟
ومشيتها فرسه بس شقيه
رمتنى بنظره ناريه
ورمش وقعنى فى الميه
دبحتنى بسهام الجنيه
وسابيتنى أغرق فى الغيه
دورت عليها فى خفيه
فى كل ديرنا المصريه
وكل بلادنا العربيه
ناس بيقولوا أنسيه
وناس بيقولوا دى حوريه
وناس بيقولوا دى جنيه
وأنا مش عارف مين هيه
أل يدلنى له ألف تحيه
وهضحى بذاتى الفلاذيه
حتى لو كانت جنيه