عادل عباس علي
شقيت ضمير الكون
ونزعت القلب الجواني
وقلت الالم يهون
بس اعرف مين الجاني
لا انا عاقل ولا مجنون
افتكرت الزمن نساني
وعشت بصوت مبحوح
ومغلوب شايل احزاني
امتي يفتكرني الحظ
وانسي خيبة زماني
واللي طول عمري شاريه
باعني ونسي عنواني
وعشت وحيد مجروح
سايل دمي الورداني
بحايل الاطبا والضمير
والدوا خباه الصيدلاني
واعمل ايه ويا الصحاب
راحوا ولا رجعوا تاني
وضهري مسنود ع الحيط
وهقطع خيطان الل بسناني