د. خالد عبد الحميد خربوش
بيوصلوني(ياهِمَّه)إني أكرهك
ويعودوني في نُطقي بيكي أشوهك
وبيدفعوني ان شوفت شئ بـ يتوِّهك
أفرح وأكتم صوتي أرفض أنبِّهك
جايز مع ظروف المعيشه دي أقتنع
وأقول سحابة صيف وبُكره ح تنقشع
بس إقتناع وقتي مخادع مصطنع
وبصوره قاتمه ولونها بينرفز..بشع
عاشقك وعشقي ليكي سهل وممتنع
ويجوز كمان دي يفسروها لي جشع
رغم إن نفسي أكون دليلك أوجهك
خايف لـ ييجي اليوم أكون لِك منتهك