بقلم: عادل ابو زيد
ما بينّا تاريخ بيجمعنا
رضينا ولّا بالعافيه
وجَمْعانا حدود ف خريطه
يعني تاريخ وجغرافيه
ولما بنحكي بلسانّا
بنتكلم كلام عربي
وتيجي ساعة الالهام
بنكتب شعر ع القافيه
مابينا تاريخ و جغرافيه
كلام موزون وع القافيه
كلام عربي
ما افصح منه غير قرآن
وبينّا كمان
رسول واحد
بدين واحد
وناس بتوحّد الواحد
وبيننا كعبه
جامعانا ف كل صلاه
تلاقي الكل
متوجه لبيت الله
ويبقى مابينّا
دين واحد
لسان واحد
وبينّا تاريخ
وجغرافيا
ويجو الغرب
يخربوا بينّا بسهوله
دي معقوله؟
اكيد العيب مهوش منهم
عقولنا هي مقفوله
وضعف النفس لما يزيد
يخلّي اليد مغلوله