صاغه / محمود جنــــيدى
إيه اللى ممكن أداريه منك أو عليكى ..
وانا بقيت كتاب مفتوح قدّام عنيكى ..
قلـــــــــــبى .؟؟.
مانتى عارفة مبقاش فى قلبى حد غيرك .!.
حـــــــــــــــبّى .؟؟.
طب هو قلبى يقدر يحب مين تانى غيرك .؟.
حتى عمرى وهبته ليكى إنتى مش لغيرك .!.
دانتى بقيتى النهارده وبكرة ،
وكنتى برضه امبارح ..
إنتى الحب والمشاعر والهوى ،
وإحساس الجوارح ..
ياااااااااااااه ..
دانتى حقيقى غالية جدا .. لالالا غالية إيه ..
شوفى لفظ تانى يعبّر عن الإحساس اللى حاسّك بيه ..
قولى الصفاء .!.
قولى النقاء .!.
قولى نسيم وعطر م الجنة ..
شئ أكبر من كل حلم أحلمه ..
وأكتر كتير من كل ما اتمنى ..