بقلم: احمد ابراهيم
اشلاء دمار وربيع
خريف بيزيد مرار
مليون شهيد
فوق التلال فوق الجبال
بركان دمشق واليمن
والعراق بيشب نار
ثورة ضياع مليون شراع
غرقانين وسط البحار
اطفال صغار متشردين
وسط البلاد عايشين عبيد
والفجر واقف كله خوف
والدم حنة في الكفوف
شط العرب أصبح حروف
مالهاش وجود
مليون حقيقه مش كلام
أصبح ضمير
في قلوب حمير
اه يا مصير واخد قلوب
في دروب ذنوب
حامله السواد مليارات
رايحه بسلاح ولا كان كفاح والفاتورة بالدولار
علي أشلاء مظلومين
مالهاش ذنوب
غير كانوا يوم م العرب
تبت ايدين أبو لهب
تبت أيديكم يا عرب