عشق الشاى

بقلم: بهاء اللبودي

افرد جناحك بالهوي واركب سحاب

توصل هناك عند القمر ساعة الغروب

مدد براحتك ف الفضا و احلم بباب
يفتح لضيّ من الامل واغزل بُه توب

حدد مقاصدك من هنا من غير عذاب
واختار لقلبك فاتنة "واعشق ودوب"

اصل انت لسه في مرحلة تقدر تطير
كونك كطفل ومعجزة غير الكبير

يقدر خيالك يجعلك وسط النجوم

تقدر تنادي بأعلي صوت وع العموم
تصرخ في وش الاخطبوط يغرق "تعوم
اصل انت لسه في مرحلة "ضد الهموم"