عشق الشاى

بقلم: بهاء اللبودي

وما بعد فراقك ما صاحبني
وانت المحقوق

قام هم مرابض يراقبنى
من تحت لفوق

والسكة بعيده و بردانه
عمدان النور بيها كسلانه
نواب بالزور واخده حصانة
وبتسف نشوق

في البحر بشوف انا اشرار
والغدر بسوق له تجار
والدنيا عجينة اسراار
لرغيف فالاخر محروق
..
كان يجينى خيالك وحدانى
يوصل أحزانك بأحزانى
يشبك لي حنانك بحنانى
ويسيبنى ويرحل بالزوق

وان كنت شجيع طب وانا مالى ؟
حُبك عُهدتي سلمهالي
أو جيبلي عريضة اختمهالي
وبلاش تركني فصندوق