بقلم الشاعر / أحمد أبراهيم
والله يا صبرة
ربك كريم اقوي
قادر ينجيكي يمسح
دموع نزله
متبدله بفرحه
تسكن هنا عنيكي
اللي سرق بدرك
واللي قتل وردك
واللي نهب خيرك
ومطفي قنديلك
مالهوش في يوم ذكري
مهما العجاف يقوي
الله هو الأقوي
ربك هو العالم
بكل اوجاعك
واللي نهب خيرك
وكل من باعك
ملعون أبو قلبه
ملعون أبو شكله
ملعون أبو نابه
ناهش جسد مجدك
كاسر سنين ظهرك
داعش بأتباعه
بس التاريخ كاتب
بالصورة والكلمه
ومسجل اللحظه
مهما الظلام كاسي
علي ارضك الخضرة
بكرة الظلام بكرة
ميت علي بابك
ترجع ورود خدك
يرجع خضار قلبك
يظهر جمال حسنك
وارجع هنا لحضنك
وارسم علي توبك
ارسم نجوم طرحه
أضواء بنور طلعه
علي فجر احبابك
والله يا صبرة
جاي الأمل بكرة
جاي الأمل بكرة