عشق الشاى

بقلم ابنها / محمود جنيدى

عمرك يامصر أبدا ،

ماحتنحنى ..

ولو مليون شهيد ، 

ما حتحزنى ..

ولا حيخوّف ولادك يوم سلاح الغدر ..

ولا إرهاب أبدا ،

حيمنع طلوع الفجر ..

ناسيين إنك أم الدنيا وانك مصر ..

وانك على مدى التاريخ ما انكسرتى ..

ومهزنش النكسة ولادك ،

وصبروا وصبرتى ..

واما آن الأوان ،

صاحوا جميعا " الله أكبر " .. 

فعبروا وعبرتى ..

ماهو انتى مصر الأبية ..

ماتنحنيش أبدا ..

مرفوعة الهامة وعدوك يموت كمدا ..

بيروح شهدا من ولادك مثلا ،

طب وماله ..

مكان مابيقع الأرض بتطرح ولد بداله ..

بيشيل سلاحه ،

وهو متوقع اللى حيجراله ..

ماهو مين يحمى الوطن ،

إلا ولاده ورجاله .. 

وولادك رافضين الإنكسار ووقفوا وقالوا :

حتعيشى حرة يامصر ، 

واحنا دايما فداكى ..

وأرضك حتبقى مقبرة لكل من عاداكى ..

فامسحى دموعك يامصر ،

وإوعى تحزنى ..

وطول ماحنا عايشين ،

عمرك ماحتنحنى ..

دايما فى كنف الله ، 

فاهدى ، واطّمّنى ..