عشق الشاى

بقلم/ مسعد سليم

يا قلوب بتبكي على ........... اللي ليها
أب حزين على .............. إبنه الشهيد

وأم منهاره .................. والمر ساقيها
وأطفال بتتيتم تاني............ من جديد

وفي ناس بلارحمة ...... ولا خير فيها
دايره بتقتل من قريب ..... ومن بعيد

هو اللي بيحمي بلدك .... وخيره عليها
ما يستاهل غدرك ................ دا أكيد

وإزاي بتفتكر ................. إنك بتبنيها
وانت قلبك أقسى .......... من الحديد

بتدمر ليه في الجيش اللي .... حاميها
و بتحرق حتى قلب ....... الإبن الوليد

الجيش دا مني ..... و منك وأعز ماليها
في عز البرد ....... و الحر بتلقاه شديد

إحنا آمنين طول ما هو حامي أراضيها
وأنت بتعاديه ................ و فيه بتبيد

لإمتى هتفضل عنيك الشر ..... مغميها
و من خزيك ............... و عارك بتزيد

هما في الجنه .... و من أجمل ساكنيها
و الوطن برئ من أمثالك ........... أكيد

غدا ستقهروا أنتم ......... وكل أعاديها
و تبقى أم الدنيا خالدة .. بأبنها الشهيد

لو أنت أبنها كنت بروحك ...... تفديها
و ما كانت سفك دماء أبنائها لك عيد