للشاعر / أحمد إبراهيم
معقول خلاص قلبك حجر ميحسنيش
انده عليكي بدمعتي
متمسحيش بحر الدموع علي جبهتي
وانا كنت ليكي
ف يوم بعيش
معقول خلاص قلبك حجر ميحسنيش
طب قولي مين
حبك وضحي ببسمته
طب قولي مين كمل
معاكي رحلته
طب قولي مين عشلك سنين راسم علي صدرك زهور
يفديكي حتي بدمعته
لو يوم باكيتي أو شاكيتي
أو تعبتي م الزمن
افديكي وادفع الثمن
من قوتي
من بسمتي
عايش وقايد شمعتي
قايد شموع
ساكت علي صرخة الم
بين الضلوع
وانده عليكي ف كل فجر متسمعيش
طب قولي أمتي هتسمعي
صرخة بكايه
طب أمتي بس هتسمعي فجري الجريح
ده القلب عايش م البداية
بيعشقك بين البيبان
بس النهار في مشرقك
أصبح جبان
حتي الحيتان متجمعين
على شط توبك
وانا قلبي شارب م السنين
شارب عذابك
بين البيبان بين البيبان