بقلم/ الأحمدي شحاته
معقولة ................
كل دة وجع......
طب كنت قول يا جدع.....
فضلت ساكت ليه.......
لما القلب اتوجع....
ساكت عشان غيرك ما يحسش....
بنفس الوجع......
ولا ساكت ومش مهتم........
وتقول شوية دلع........
أديك وقعت يا جدع.......
وبقيت تبكي بدل الدمع دم.....
من كتر الوجع............
طب شوف بعينك حواليك.......
الكل مهتمش غير بيك......
واولهم القلب اللي بيحس الوجع.
اهو مادد ايدو ليك.......
ومش سايبك وبيراعيك......
وبيمسح بإيدو حتي دمع عنيك
هو انت اية يا جدع......
عاوز اكتر من كدة اية دلع.......
والدنيا أيه يا جدع ........
غير أيد بتشد أيد .......
والقلب اللي موجوع بيحس......
بالقلب اللي اتوجع.......
وإزاي.......
لما كنت أسالك ......
وانت بتضحك وتقول مفيش.....
كنت بتضحك عليا ......
ولا بتضحك عَل الوجع.......
أديك ضحكت عليا........
بس ما قدرتش ........
تضحك عَل الوجع.........
الدنيا مش مستاهلا.......
عناد ولا دمع وتعب.......
الدنيا عاوزة اللي يسايرها.....
لغاية ما رب العباد........
يأذن ويشيل الوجع......
معقول.......
يبقي كل دة وجع......