بقلم/ اسلام عامر
كشف حساب عن غدر وظلم ناس مايعرفوش إخلاص
مات فيهم الضمير مات فيهم الإحساس
كشف حساب عن دنيا غرورة وقلابة
ف زمنا معندانا وكدابة
دايما توهمنا وتجرحنا وتألمنا
مفيش فيها رحمة وطيابة
كشف حساب
عن صاحب خاين وجبان
معندوش مبدأ ولا له أمان
كشف حساب
عن قلب مليان احزان
تايه ف طريقه ضايع منه العنوان
راحوا فين المخلصين الناس الطيبين
ليه سابونا لوحدنا تعذب فينا الأيام
تعبنا كفاية حرام
ادينا عايشين صابرين
بقدرنا وقسمتنا راضين
والجرح مكتوب لنا
كشف حساب قفلنا الباب
لا سؤال وجواب
ولا لوم وعتاب
اخترنا نعيش لوحدنا
واللي واخد باله مننا
يتفضل يعمل زينا
الخوف منعرفوش
والجرأة ف دمنا