أحمد إبراهيم
قضبان حديد والليل و انا
والفجر واقف من بعيد
محتاج شروق بس الغروب
ساكن اكيد كل الدروب
ساكن هنا ساكن على
قضبان حديد
والسكه سكة مغرمين
واخده السنين كل الأمان
حتي المكان أصبح دموع
بين القضيب مفروش شموع والريح شديد واخد سنين
عمري انا واقف هنا
لسه على قضبان حديد
فيها الصدي كاسي الحديد وصوتي تعبان م الندا
من كام سنه عايش وحيد
حتي الشروق واقف بعيد
والعند ساكن مشرقي
رافض يفوت
عايش انا عايش بموت
بين الصراخ والله بموت
موت بلبطيئ محتاج طريق
أو أي ضوء
بس الزمن رافض اكيد
لحظة شروق قضبان حديد
بين الحدود والليل سكون
صمت ووعيد دمعة عيون
على خد بدر بينطفي
لحظة شرود وملامحي
نور وبينطفي
حتي الحنين أصبح أنين
وانا فجر عمري بيخطفي
واه يا ليل واخد سنين
من عمر عمري م المرار
واللهي لسه انا برتوي
من كاس أنين كل السنين
طعم الأجاج والريح تهيج
وخده الأمان كل المكان
قاسي وعنيد وانا فجر
عمري كل لحظه بينطفي
حتي النفاق في قلوب بشر مصنوعه والله من حديد
قضبان حديد قضبان حديد