عشق الشاى

كلام/محمود جنيدى

تشيلوا " آر بى جى ،

أو حتى تيجوا بمدفع .. 

مش حيهمنى عمرى ..

لو أكتر منه حادفع ..

مانا قريت كتاب الله ..

وكلام النبى المشفّع ..

أدخلوا مصر آمنين ..

يعنى لا يمكن حتركع ..

وأهلها دائما فى رباط ..

متفرّقش لكن تجمّع ..

فاعملوا معانا مابدالكم ..

لا حنبكى ولا حندمّع ..

فياللى ماسمعتش كلامنا ..

نضّف ودانك واسمع ..

راسمين الطريق قدامنا ..

وعمرنا أبدا مانرجع ..

حالفين كلنا ع الصمود .. 

حتى النساء والرّضّع ..

وفى المساجد والكنايس ..

على الإيمان نتجمّع ..

الله أكبر وقادر ..

عن مصر الأذى يدفع ..

الله أكبر وأكبر ..

م الآر بى جى والمدفع ..