كابتن |سعيد عبد العزيز الحاجه
يللى معاك صك الأله
وتمنح وتفنى الحياه
وتيتم أُسر مع أسرتك
ومتعشم تتعشى مع رسول الله
ماسحين عقل حضرتك
هتقول أيه للرب فى علاه
لما يسأل سحنتك
القدس بتقول الأه
نسياها ليه حربتك
وتقتل بنى جلدتك
تخوف خلق الله
وماشى فى هدم دولتك
بتمويل خونه وجناه
وسكه مش سكتك
يوم الحساب هتقول الأه
وجهنم هتبقى حفرتك
والنار هتشوى جستك
وربنا يبدل جلدتك
والشهيد هيقول الله
فى جنه
مش هتشوفها سحنتك
مين أداك صك الأله؟
مين بيمول حضرتك؟