بقلم/ مسعد سليم
نزيف الدم ...... صبح عادي
نفس المآسي ........ بتتكرر
ومين فينا بالجرح دا راضي
والحزن طال ........ وبيمرر
روح الشهيد علينا .. بتنادي
و بتأمنا ليها ............. نثأر
وللا الحدث هيصبح ماضي
والجاني ......... فينا بيدمر
لا عنده دين ..... ولا ضمير
ف بيت الرحمن ..... بيفجر
قلبه حجر .......... ولا أتأثر
بحرقة قلب أم وكسرة أب
بطفل أتيتم .... وللا أتفجر
بيحلل جرمه وعنه راضي
و كأنه للأقصى ..... بيحرر
فكره ضال وطغى وتجبر
ولهواه بيحلل ..... ويحرم
طاير في ...... سماء الظلم
قتل الشيخ.......... والصبي
ووقت الصلاه ......... قرر
وقضي على أرواح بريئه
بتردد ............... الله أكبر
مهما طال الظلم .. هينتهي
وربنا ع الظالم ........ أقدر