بقلم/ عبدالرحمن علاء الدين
ضحكت عليا بكلام فاضي وتهويش
وقالتلي هاعيشك في رفاهية وترويش
وقالتلي خلاص من النهاردة مفيش تهميش
خلاص هعيشك في حب وكل يوم هنتفسح علي الكورنيش
وهنلف مصر كلها من النوبة للعريش
خلاص مفيش هم مفيش غم خلاص هنعيش
خلاص إنسي عيشة العشاق المداويش
...
بصيت لقيت كلامها في الريش
صوت وبس وفعل مفيش
وكل وعودها كانت فناكيش
كلامها كان عقيم ما يرويش
واكمني واعي ما همنيش
ما هو عيب لا مؤاخذة تضحكي علي صعيدي وتوكليه حشيش
والله أنا اللي يبعني ما يساويش