سالي محمود
على شط بحر الغرام عايش انا ملاح
قلبى وروحى دايبين فى عشق الصبايا الملاح
مكتوب على جبينى السفر والتوهة فى الايام
من شط لشط سارح ولا مينا ترسينى
مفطوم يا قلبى على الترحال
وصوتى يغنى ويشجى بالموال
ويشق موالى البراح
ولا طايل فى يوم ارتاح
والحزن طارح فى القلوب فدادين
اعاشر ناس وافارق ناس تانيين
مجبر يا قلبى على الجفا والتوهان
من مينا لمينا مستنى الاقيكى
صبية والصبا ليكى
بس لو بقلبك تحسينى
تنادينى ..تضمينى ومن التوهة تاخدينى
ده انا على شطك احط رحالى وهمومى
واناجى البحر فى عيونك يازاد يومى
وارسم على الرملة بيتى وسفينتى
يا كل امالى والمنى انتى
بحبك يا عروسة البحر ولقيتك
رسمتك فى خيالى سنين وخليتك
عشقى وعمرى وترحالى وما نسيتك
يا عروسة البحر ناديتى ولبيت الندا
وجيتك ..اودع التوهة
وارسى على باب بيتك