بقلم / رمضان العلالقة
لو صحيح مشتاق بجد
مش في قلبك أي حد
طب خصامك ليه النهارده
لما تزعل مش بترضى
و لا هي بس عند
لو صحيح بتقول سامحني
و الأماني إنك تشوفني
قال و بعدك كان بفرض
و إن كاسك مش بيفضى
و في عيونك دمعة شاردة
ليه واخدي في جزر مد
كل شيء واخد مجاله
و العتاب فات أحتماله
و اللي فاضل مني صد
قولي إيه بعد انتظارك
كل لحظة تفوت عشانك
نار بحس في جو برد
يبقى ليه بتقول سامحني
و البعاد عنك جارحني
قولي فين راح يبقى ود
لسة خايف من ٱلامي
و اللي غير من كلامي
لما أصبح بينا بعد
كنت بشتاقلك ساعات
لما تصحي الذكريات
كنت بسأل دمع ليلي
إيه يغير من مصيري
بعد ما اتغير حاجات
جي تعتب ؟.. مش بطوعي
م اللهيب اللي في ضلوعي
لسة فاكر خد و هات
لو صحيح الحب فاكر
قاسي قلبك ليه و قادر
و لا ناكر فيه ٱهات
~~~~~~~~~