عشق الشاى

بقلم أميمة مكرم

انا الطفل اللي محروم
حنان وقرب
وايد تطبطب 
يا زمن بتدوس
علي الخلق
انا اللي شارب
شقا وغلب
انا اللي عجزت
يوم مافهمت....
انا الباكي...
وانا الشاكي
وانا المتصاب
وانا المهموم
وانا العايش
لكنه مقتول ....
ماشيين
في توهتك ي زمن
ومين فينا حاكم
ومين فينا محكوم
هنا عمر كان وانسرق
هنا حلم معافر وانسلب
هنا ضحكة محبوسه
وبالدمع محروسه
انا الحد اللي شاب
يوم ماحب
وسني اللي
في البطاقه ده غير شكلي
ومش باينه حتى ملامحى
في نفس المكان هنا
كنت طايش وكنت غشيم
وكنت لئيم .....
كنت تحت مسمي طفل
والزمن كان لي صديق منافق
لفرحي حاجز...
ولدمعي معافر
واما لقيتني حبيت
فجأة لقيتني عجزت