بقلم الشاعر/ حسام غنيم
حكاية وطن حكاية
كاتبها شعب منارة
تنور الطريق لكل اللى فى حب وطنهم عبادة
وتهدى الخطوة لماتدب وسط نارحامية
مايهمها غير رفعة وطنها
هى حكاية عزيمة جبارة
منقوشة ليومنا على جدران معابدها
وأهرام وأبوالهول دليل على عزيمة
حيرت الدنيا من حواليها
ولما إنكسرت الإرادة
بعدو إفتكر إنه مالكها
طلع نور الثورة
من ضى عين ولادها
ونادى على الشعب قوته
لبى الندا
وغنى مع قائدها
ناصر ياحبيبنا رافع رايتنا
بصوت المصانع وسد عالى حافظنا
وفلاح عرقه يروى زرعة
تطلع لينا وللى حوالينا
ولما الخيانة من عدو مش سايبنا
ما إنحنى ولا إتكسرت إرادتنا
ثار وسط أراضيها
يبنى ويعمر فيها
وجيش قوى حامى حدودها بحرب خالدة
ليوم لقى رب كريم بينا
بجنسيتنا المصرية
دى تاج روسنا ونور عيونا
وزى ما طلع الفجر علينا
بثورة يوليو غيرت الدنيا
جه حفيد ليه
قوى مايهاب غير ربه وشعبه
عمر ورجع الحلم تانى
لوطن عظيم بقلبه
ومشى رغم كل اللى حواليه
بخطوة قوية جننت كل ماكر بيها
ونسي إنها كنانه الله محفوظه
رغم كل الى حاسدينها
وإبنها ماهمه كيد حتى اللى منها
رفع رايتها قدام كل الدنيا
بعمل وعبادة
عشان عيونها
دى حكاية وطن حيرت كل الدنيا
وماتنتهى الحكاية