بقلم/ سعيد عبد القادر السيد
أنا الغلطان من الأول
عاهدتك عمري ما أتحول
لكني كرهت كتر أساك
وقلبي عنك إتحول
و أنا الغلطان من الأول
صبرت عليك وطال صبري
تهجر وتقول عشان خاطري
سامحني وهى دي المره
أسامحك برضو تغدر بي
و أنا الغلطان من الأول
حبيتك وقلبك الأسي
تركت أهلي وناسي
وقلت كفايه آه حبك
خنتني جرحت إحساسي
وأنا الغلطان من الأول
أنا الغلطان من الأول
عاهدتك عمري ما أتحول
لكني كرهت كتر أساك
وقلبي عنك إتحول