بقلم/ حسام غنيم
حتى الكلمة ناسيها
زى ماروحت لدنيا مليش مكان فيها
وغبت عنى خلف ستارة
بكرة الزمن هايخفيها
من طول أيام متدارى وراها
طب كلمة تطمنا
وتخفف جروحنا
من يوم ما غبت عن عيونا
ياحبيب ساكن فى أرضينا
بس بعيدة قوى خطاوينا
خوف على حبايب لينا
لتدوس الأيام بغدرها
من كل اللى حوالينا
ماشافوا ولا حسوا بينا
دا حب كبير حارسنا
بعد رب كريم بينا
بدعاء بدموع عيونا
إن يقرب خطاوينا
ويبعد الشر من قدامنا
ويهدى العاصى لحب مالكنا
ويحس بألم فينا
صرخ لكل اللى حوالينا
غير ناس مش حاسة بحب كاوينا
وإن كان بعدك كاوينى
ويصبرنى كلمة منك تروينى
ترسم حب على جدارقلبك
إنه حاسس بنبض في
واصل بروح تحيينى
لما بتلمسك لمسة حنين
وتسلم ببوسة على جبينك
دا انت حبيبى
والكلمة منك تتطفى كل اللى في
من شوق وخوف على حبيب لي
خلف ستارة عامية