بقلم/ أشرف الدغيدي
نويت خلآص علي السفر وعايز تسافر
ولبلاد بعيده عن حبيبك نويت تهاجر
ليه عايز بيني وبينك يكون فيه جفا وناوي ع البعاد
ذنبي ايه ياحبيبي عشان تعذبني وتعذب معاك الفؤاد
ويهون عليك تظلمني أنا وقلبي بالبعد وبالفراق
وتعيش غريب هناك وانا هنا تكويني نار الأشواق
نسيت الهجر ياحبيبي هيعمل فينا إيه..
وبُعد الحبايب بيعذب قلوبهم قد إيه وليه
هاندوق المر والمرار ياحبيبي والغُلب والحرمان م الغياب
وهنفضل نتعاتب سوآ لغاية ماتشتكي قلوبنا من العتاب
هوانت ناسي أول ما إتقابلنا وكان بيني وبينك اتفاق
واتعاهدنا أنا وانت هنفضل علي طول أحباب
وصاينين بينا وبين بعضنا الود والوداد
ونعيش انا وانت ع الحلوه والمره سوآ ونتهني بسنين عمرنا
من غير ألم وفراق ونخلي حياتنا جنه ونحافظ علي حبنا
ليه ياحبيبي تبقي آسي وقلبك عليآ جاحد كده
هو القلب اللي يعرف يحب يتغير و يبقي آسي بالشكل ده
ليه نخلي السعاده تهرب مننآ وتروح قدام عينك وعنيآ
هيبقي الذنب عندك عشان ماحستش بيآ وأوعي تجيب الذنب عليآ
لوخلاص ياحبيبي نويت ع السفر والرحيل
وهتسبني هنا أعاني وحدي من الليل الطويل
وهتهجرني انا وحبي اللي لك ملوش في الكون مثيل
تبقي هتسافر وهتتركني أنا وذكرياتي وقلبي وفؤادي منك متعذبين
وهتخلي عمرنا يروح مننا قدام عنينا بس صدقني هتندم ع السنين
بس قوللي ازاي هتقدر تهجر وتبعد وها تستغني إزاي عن حناني
ياللي سقيتك من حبي وحناني سنين طويله وطلعت الآخر أناني
ودالوقتي عايز تسافر وتبعد وتهجرني ياآسي وتنساني
وتفوتني أنا وقلبي وعنيا عليك ليل ونهار بالدمع تبكي
مانت حبيبي ونصيبي وقدري وانت الأمل والأماني ولمين هشكي
وانت الحلم إللي عاش جوايا وكبر معايا وما فارق أحلامي
هاعيش ازاي هنا وحدي وازاي في بعد حبيبي عني ها تحلي أيامي
إسأل ياحبيبي قلبك قبل ماتغلط وتسافر من غيري إزاي هتعيش
ولو هتقدر .إزاي أنا هقدر ومن غير ماقول او حتي أفكر
ولو سافرت هاعرف إنك حبيب أناني وفي نفسك بس بتفكر
دانا كنت فاكر إن بُعدي عنك هينسيك إسمك وعنوانك
وهتندم لماَّ بِعدت عني واسامحك لمآ تصعب عليآ أحوالك