يعني ايه تحبيني من بعيد
من سكات
وتحاولي انك توهميني
تفهميني
ان اللي كان حاضن شعورنا
اصبح يادوب ذكريات
يعني ايه اخرتنا دمعه
وشرخ في قلوبنا
وطفل صغير
مستنين ميلاده
ضحكوا علينا وقالوا انه مات
يعني ايه تبيعي
تضيعي
يعني ايه الورده
تتطرح ريحتها
وهي حاطه راسها
في سلة مهملات
يعني ايه كل ما اقرب
تحاولي تدبحيني
وتحاولي تداري حسك
لوعايزه تكسريني
لوعايزه تبعديني
وريني ياحبيبتي
عن حبك امنعيني
اصلي طير واتربي عندك
والطيرلما يعشق
بيعشق مره واحده
بيحب الف مره
لكن احساسه واحده
انا عارفك رغم بعدك
انا حاسك رغم عندك
بتجيني كل ليله
وتنامي بين ايديا
بحس باني عايش
ولعشقك ترجعيني
بحس برموش عنيكي
تطمني رغم خوفي
افتح عيوني فجاءه
القيني وحدي دايما
مع انك جوه قلبي
دايما بتسكنيني