بقلم الشاعر المصري / احمد ابراهيم
اهداء لمدينة جرادة المغربيه
اسكت وارضي وعيش متقولش
اصلك واحد مابتفهمش
أهل جرادة دول ظالمين
جاعوا وعاشوا سنين في الصمت
صرخوا وقالوا فين العيش
والله العيش معجون بالمر
أيام سودة ومش بتمر
أحلام فيها كابوس الظلم
اسكت اسكت إياك تصرخ
أو تتكلم عيش بالجوع
عيش بالجوع يا ابو عقل خفيف
ياللي بتطلب كسرت عيش
هو العيش مش ليك يا جرادي
ملعون أهلك لو هتنادي
اقفل خشمك قبر يلمك
انت وكل الصوت العالي
احسن يغضب منك سيدك
سيدك هو جناب الوالي
ابكي فى صمت الريح العاتي
اوعك تصرخ أو تتألم انت العبد
سيدك أمر بالتجويع
سيدك حاكم المواضيع
كله تمام والله تمام
مدهوس مرمي في أرض جرادة
ميت انت وطفل رضيع
تصرخ تبكي بنات الحي
شب ومات طفل ومات
كل نساء الحي بطلطم
تبكي بتصرخ بين عرابات أسطول الوالي
شق الجوع أحلام شبات
فوق ملمحهم خط أماني
والله الوالي كان مظلوم
بس هيعمل ايه الوالي
راجل طيب قلبه حنين
عاطف دايما ع المساكين
والله يا أهل جرادة الحق
سيدنا الوالي ده قلبه كبير