عشق الشاى

بقلم/ أشرف الدغيدي

يا أطيب انسانه وأحن القلوب
يانور وگان منور لينا الدروب
ياحب وحنان كان ماله حدود
ياما في الفرح قدمتي ورود
والدمع عشانك حرق الخدود
يانور نور حياتنا وراح
راح ومعاه كل الأفراح
ياشمعه دايماً گانت بتجمعنا
ويافرحه كانت بِتّْفَرَّحْ قلوبنا
ياما سهرتي علي راحتي ليالي
وياما بدموعك بكيتي علشاني
وياما شيلتي في قلبك حزنك
ولا حسينا مره بهمك
ولا اشتكيتي يوم من تعبك
ياما فِرِحّْتْ ياامي بحُضنك
وياما شيلتي عني عذابي
لما باجيلك اشكي الآمي
والله ياامي كتير وحشاني
وبَفّْرَحْ لما تزوري منامي
نفسي ياامي ابوسلك ايدك
وأقدم ليكي هدية في عيدك
وانا واخواتي نتجمع عندك
نفرح بيكي وناكل جنبك
ونشوف فرحة نظرة عينك
والله اشتقنا كتير لطبيخك
وكمااان إشتقنا ياأمي كتير
من إيدك ناكل أحلي فطير
ونفسي ياأمي انام علي حِجّْرِكْ
واحضن بإيدي صوابع رجلك
وإنتي بتحكي عن ايامك
انتي وابويا عن مشوارك
وازاي ضاع علشانا شبابك
والله ياامي وحشني كلامك
وليل ونهار مشتاق لحنانك
محروم منه بعد فراقك
وِتَاعَبنا كتير ياأمي غيابك
وحالنا ياامي من بَعّْدِكْ غَمّْ
وليل ونهار راكبنا الهَمّْ
حتي الفرحه بعدك غابت
والبركه ياأمي في غيابك ضاعت
والأفراح مبقاش ليها معنيٰ
حتي الضحكه راحت عناَّ
ولماَّ فارقتي ياامي ديارنآ
مش بتفارق دموعنا عيونا
ولايوم صورتك سابت بالنا
وبندعيلك ليل ونهار
يبعد عنك ربي النار
والجنه ياأمي تكون مسواكي
وبإيد نبينا من حوضه يسقيكي
والله ياامي نفسي اشوفك
واسمع مره نبرة صوتك
وفي يوم عيدك كان نفسي ازورك