بقلم ك/أحمد عبد الرحمن صالح
خُدني اوام علي حضنك
أنا المطرود من الجنة
في بُعدك إيه هيستني
من الخير اللي عشته معاكِ
☀☀☀☀☀☀☀☀☀☀☀ده حبك باقي جوايا بيرويني
ينورلي في احزاني ويهديني
بعادك والله علي عيني
أنا العايش بنبض دعاكِ
☀☀☀☀☀☀☀☀☀☀☀يا احلي عيون بشوف بيها
جمال الحب وحنانه
شموخ الشوق بألحانه
برقة حب يملاكِ
☀☀☀☀☀☀☀☀☀☀☀يا سيبه القلب ومسافره
لرحلة رب دعاكِ
فلبيتي نداء الحق
وسبتي حبيب بيهواكِ
☀☀☀☀☀☀☀☀☀☀☀ياريت الموت يجمّعنا
في جنة فيها صوت نبضك
وانفاسك تدفيني
أنا المشتاق لرؤياكِ
☀☀☀☀☀☀☀☀☀☀☀بشوفكِ وانتِ بتصلي
وسهرانه بتدعيلي
يحقق ربي احلامي
أنا العايش بدعواكِ
☀☀☀☀☀☀☀☀☀☀☀يارب ارحمها وارضيها
ياريت عمري يكفيها
دعاء من دمع اشواقي
ده عمري في يوم ما هنساكِ
☀☀☀☀☀☀☀☀☀☀☀دعيت ربي في صلواتي
يحقق كل دعواتي
بدعوة ورثها اولادي
يبارك فيكِ يرعاكِ
☀☀☀☀☀☀☀☀☀☀☀أنا بفضلك بقيت عايش
وليا كيان بلون حلمك
ومين يقدر يكبرني
ماكنت يا اُمي لولآكِ
☀☀☀☀☀☀☀☀☀☀☀فسامحيني علي جهلي
وزوريني في احلامي
وعودي تاني لمنامي
كفايه عليا فقدانك
☀☀☀☀☀☀☀☀