للشاعر المصري /احمد ابراهيم
فوووووقي بقا
ده الليل طريح
والطير جريح
وانا بكتبك ألفين ديوان
وبندهك فوووووقي بقا
افتحي عيونك وكوني
ملكة على عرش الجمال
ده محال
انك تعيش بين سطور
وسط الكلام
ده التاريخ كاتب كتب
من عصر مينا امنحتب
والله احمس كان بطل
والبطولة والرجولة مش كلام
اسألوا جيش المغول
اسألوا جيش التتار
اسألوا جيش الرومان
والله دوسنا أرض سينا
وانتصارنا يا جميله
فوق رؤوس كل الصهاينه
والله دوسنا
فوق رمال الزعفران
يا حبيبتي لسة ملكة
تاج بماس اسم ماس
غالية غالية
برأيه عالية و الكبير في الأمة مين؟
واللي ضحي بدمه مين ؟
الكبير حاضن صغار
اسألوا عن خير بهيه
راح لمين؟
في المجاعة كام سبيل
والله خيرنا كان لغيرنا
احنا احنا الكرامة والعقول
احنا احنا بعلمنا
علمنا كل من بداء ازاي يكون
والله شعبك يا بهية لسه شهم
اللي حامي واللي اوي
وافتحوا كتاب الحكاوي
هتعرفوا مين الكبير
والكريم والأصيل
والاسم مصري
بين ضفاف وادي الحضارة
والعمارة والكرامه
بأسم عالي اسمه ايه ؟
ابن النيل