بقلم الشاعر المصري / احمد ابراهيم النجار
---------------------------------------------
بعد السلام والتحية
والسلام لعيون بهيه
طمنيها يامه عني بلغيها السلام
قولي ليها متخافيش
لسه واقف ف الميدان
والله حالف انى هكتب
نصر ليها وليكي يامه
ودبلتين ليها يامه بلغيها اني تمام
لسه واقف ف الميدان
-------------------------------
لسه صابر والآذان في المدني عالي
صوته يامه ماحي ظلمة ليل جبان
والله يامه الفجر طالع م المواجع
وانتصرنا ده اكيد شايفه يامه
في عيون كل الولاد
---------------------------------
لسه فاكر مدرسة بحر البقر
واللي مات
كم الف طفل
بين ركام والكلب فات
ناهش هنا سارق براءة طفل مات
لسه عايش لسه حالم اني اعبر
فوق رؤوس كل الصهاينه الملعونين
حااااالف يمين مليووون يمن
بعيون بهيه انى راجع بنتصرها
مهما عدي من زمان
والله يامه الصهاينه دول فيران
ده العدو غدار جبان
--------------------------------
كل يوم ترجف قلوبهم م الأذان
كل فجر وله أوان
كل ظلم وله نهايه مهما طاااااااااال
بوسي اخويه اللي حابي ع الطريق
لو نداني قولي أحمد ف الميدان
لسه ماسك السلاح والكفاح
هيكون علامة انتصارك
ياخد بتارك
وبتار كل اللى ماتوا فوق رمال الزعفران
-------------------------------------------
في النهايه السلام لعيون بهيه
اللي صابرة ع الغياب
والله يامه والله خايف
اني يخلص باقي عمري ويه سطري
وأنه يكون آخر جواب
في النهاية وف البدايه روحي بعتلكوا السلام
--------------------------------------------------