لو سمحت هو انت صايم ؟
سامعك بترطن كل الشتايم
وتكدب وتفتي بكل اللغات
واسمك مشرف في كل العزايم
بس الغريبه طلعت صايم
خيال وسارح ع المايه عايم
وفجأه تاه وسط الموجات
وساب عملنا هو ال دايم
استر ياساتر منك يافاطر
الشيطان . غلبك ياشاطر
ولون حياتك بأدني الصفات
وسايقك يوماتي لسكة مخاطر
لو انت صايم ... طلع لسانك
من غير قباحه لقرص ودانك
ارجع وتوب قبل الممات
واخشع وسامح كل ال هانك
استر ياساتر منك يافاطر
اقولك نصيحه ان كان ليا خاطر
أمن نهايتك وانسي ال فات
وأسجد واصلي واقرأ خواطر
وحلي لسانك بذكر ودعاء
وامسك لجامك واثبت اداء
واقتل بقلبك كل الآفات
قبل الختام .. قبل الفراق
عشان الصيام ياعم الهمام
محتاج للمحبة والنيه ال خام
وضبط النفوس وشوية حاجات
وتبطل تخبط وتدوس في الكلام