عشق الشاى

بقلم الشاعر المصري / احمد ابراهيم

كل وقت وله اذان كل موسم له حصاد
كل شئ فى الدنيا فاني مهما زاد الظلم وساد
والله دنيا فيها رحلة يوم بنفرح يوم بنبكي ع الفراق

كل شئ فى الدنيا واقع فيها ماضي وفيها حاضر
فيها رحلة عمر فات
اه يا قطر العمر ماشي بين رصيف الذكريات

اه ياليل بالظلم ساكن بين بيبان كل الحارات
كنت حالم يوم اكونلك عند بابك يوم حبيب

بس فات الوقت مني بالفراق عكس الطريق

اه يا درب العمر بيا لسه ماشي بدمع سال
اه يا جرح فى قلبي ساكن من جنون كل الأهات

اه يا حلم القلب فيا بالأنين اصبح مشاب
اه يا وعد القلب خاين بين شفايفي الفرح غاب

مهما عشت بجرح ساكن الطريق لنهايته باب
كل وقت وله اذان كل موسم له حصاد
كل شئ فى الدنيا فاني مهما زاد الظلم ساد

يا اميرتي ماتخافيش وامسحي دمع العيون
وارجعي تاني بضؤك وارسمي تانى الربيع
مهما ذاد اليوم سكوتك مهما ضاع م الفجر نور

لسه فيكي النبض عايش بين دروب القلب بات
لسه بكرة فى علم عالم رب علّاّم بالغيوب
وف ايدية الكون بحاله بين ايدية كل القلوب