************************
فى عز الضوء ماهو ساطع
ونورك هل بحضورك
لقيت في عنيكي احزانك
وليل ساكن على كونك
واه يا سمرة م المكتوب
دي هله العتمة فى شروقك
ظلام ساكن على توبك
ويصرخ فجرك الحابي
على دروبك
ويجري الدمع سيل نازل
على خدودك
بصرخة ضؤ هنا واقف
ولا قادر يعديلك
يعدي عيدك الباكي
في صمت رهيب
ومطفية قناديلك واناديلك ومسمعتيش
وليه يا سمرة بيعاند نهار عيدك
وامد ايدايه لأيدك مابتمديش
ويصرخ ضلعي الباكي وقلبي جريح
واشواقي ماليها حدود
وانا العايش بحبك موووووووووت
برغم ليلك القاسي بكل برود
برعشة قلب بيعاني
من الجبروت
واه من صوتك الباكي
ولا مرة بيطلع صوت
وانا ساكت بكل خشوع
وحضنك نار وبحرك موج
غريق عالى ولا قادر اعوم مربوط
شراع مكسور نهار محظور
وليل ساكن على كونك
واه يا سمرة من بحرك ومن جرحك
ومن جرحي ومن زمنك مع زمني
وانا الغارق هنا ف موجك
**********************