انا الواقع في بير يوسف بقالي سنين
انا أيوب في صبر وويل في طول الليل
وانا موسي بخوف جاري
وانا يونس في ظلمة حوت
في ظلمة بحر بشكي أنين
انا الساكت وانا الصارخ
مسيح مظلوم بقاله سنين
واه يا مريم الطاهرة
يشع الضوء كما القمرة
واه يا مريم العزرا
واه يا سكون هنا واقف
على حائط جدار مصلوب
واه يا قلوب صفيح مش ماس
ولا إحساس
ولا برج الحمام له أساس
وانا واقع على جمري
يطول الليل وانا راضي واقول قدري
بصرخة طير وانا ع النار يطول دربي
واه يا هارون رحيم طيب
وكان السمري ديب واضع شريعة قوم
سجود وركوع اله بقري
وموسي ع الجبل ساجد لرب الكون
كليم الله بالألواح وكان نازل
كسر ألواح عبيد م الناس
وليه للبقرة ليه ساجدين
مسك لحية هارون بأيديه
بشر ملاعين قلوب سكرانه مليانه
بكل فساد وده الواقع زمان واقع
يعدي العمر بالواقع وانا واقع انا ف بركان
--------------------------------------------