بقلم أ / محمود جنـــيدى
** * ** * ** * ** * **
لأ متكدبيش تانى عليا ..
ولا تنكرى حنينك ليا ..
بتفكرى كتير أيوة فيا ..
والشوق اللى ف عنيكى ..
صدقينى واصل عنية ..
فمتكدبيش تانى عليا ..
قد ماانتى مشتاقة لحضنى ..
حضنى برضه بيناديكى ..
يبقى ازاى اتقل عليكى ؟
دانتى وانتى معايا باحن ليكى ..
وقلبى دايما مشتاق اليكى ..
وعارف والله انك بتحبينى ..
وعارفة انك فى ننى عينى ..
دانتى فرحى ولو مجروح انتى الدوا ..
ياللى باخاف عليكى من نسمة هوا ..
لا نسيتك ولا فى يوم اقدر انسى ..
يا أحلى غنوة وأحلى كلمة وأحلى همسة ..
فمتكدبيش على نفسك أو عليا ..
وزى انا مابفكر فيكى ..
عارف انك بتفكرى فياا ..
***************