-----------------------------------
لمي باقي الثوب وعدي
جوه عينك فجر صادق من سنين
مهما كان الضوء مفارق
في ابتسامتك وعد راجع
فوق جبينك بالحنين
يا صبيه اتبسمي
لسه شرق الوعد صادق
لسه بعشق وجه شمسك
لسه عيني مغرمين
لمي باقي الثوب وعدي
مدي ايديك واحضني
وبأديكي طبطبي
لمي شوقي واقربي
وبعيوني اسكني
الف فجر وفجر فجر
جوة حضنك موطني
يا جميله يا بهية
يا أميرة يا نديه قربي ليا وتعالي
واسكني جوة ف عنيه
ده النهار بالفجر باسم
والربيع بالفرح راسم
ضحكتك بسمتك
فوق خدود القلب ساكن
اسم من اجمل حروف
هو اسمك احلي اسم
اسم غالي والله عشقك انتي بس
قالوا مين هي حبيبتك قولت
عاشق اسم مصر
--------------------------------------