بقلم: حسام غنيم
فى ليل طويل مش عارف ليه
ماشى وعيونى على نجم بعيد
كل ماأقرب ببعد وسط السحاب
وعيونى عليه
بشعاع أمل منه رسم صورة
نور بينور كل خطوة بسكته
وإن كانت الدنيا من حواليه
ليل مستنى لصبح مشتاق ينوردنيته
ويرسم فرحته
بحب بيجرى فى دمه
وبين عينه رسمه
لحبيب ماشى بروحه حواليه
رغم بعده وسط سحابه سودا
ماترحم قلوب عاشقه
وحبيب ماشى فى سكه
مايخاف من كل اللى حواليه
ومفيش قدامه غير طريق ماشى فيه
دا رابط اقوى من كل اللى فاكرإنه بين إيديه
وعد قدام ربنا وعدته ليه
ماتغيب سماك عن سكتى
حتى لومات جسد بقبره
روح هتفضل فى دنيته
وبدم سايل فيه
حبيبى ...............
مافيش حاجة بإرادتنا
وإن تعبوا حبايبنا
دا من شوق فى القلب محيرنا
وبيشدنا غصب عنا
لروح حب مالكنا ومش دارى بنارفى قلوبنا
إن بعيدد عن عيونا ومش بيطمنا
حتى مستخسر فينا نظرة لعيونا
وإن كانت صورته على جدران قلوبنا
بس نفسنا يطمنا ويحس بشوقنا
وحب ليه ماشافته دنيتنا
ياما مشينا فى سكك العاشق بخطاوينا
من غير إحساس فينا
رغبة كانت بتشدنا غصب عنا
بس إنت حبك منسوج فى أجسادنا
من يوم ما اتولدنا
وأكيد جاى يوم نوره فى خطاوينا
وبين أيدينا
حبييى
إن غربت الشمس من الدنيا
وقمر فى كسوف منسيا
وسط نجوم وسحابة قاسية
ماتغيب حبيبي عن عينيا
لك كل حب بيا
حتى لو مكنتش قدام عنيا
روحك ماشية بيا
وفى دمى بتسيل بين وريد ونفس بيا
حبيبى حاسس بيا