بقلم: خالد احمد سيد
اهديكي عمري وقلبي لو ترضي
وتبطلي تعاندي
مين يعشقك قدي
ومين اللي يحبك موت
عاشق عيونك دول
رمشك ده سيف مسلول
وانا قلبي مش مسئول
عن الحياه والموت
...........................
روحي تطير م الفرحه لو شوفتك
وتطير قوام وتسبني لو غبتي
جيتلك بشوق الدنيا وسألتك
جاوبتيني وياريتك ما كنتي جاوبتي
...........................
انساكي وازاي بس انا هنسي
اديني لو فرصه
وازاي ده انا لسه
مشتاق ودايب دوب
واخد عهود منساش
والقلب مابينساش
وان عدي عمري بلاش
هفضل اقول مكتوب