لو هتعودي فى يوم وتغني
راح تلاقيني رفات منثور
70 ظلمة و وعد فتني
صعبه الدنيا فى حضن الغول
والله وجودك شئ كان عادي
حتى غروبك شمسها زور
كل بنات الحي فى صمت
حتي الرقص مالهوشي حضور
لو هتعودي فى يوم وتنادي
مش هتلاقي غير أشلاء
بصي بعينك فوق الوادي
اسعي وطوفي 7 أشواط
ارفعي ايديك بالدعوات
قولي يارب انصر الحق
طعم الظلم مرار واهو زاد
ابكى وطوفي بعينك شوفي
كل بنات الوادي بتصرخ
والله الوعد الصادق مات
اه يا سكات
ساكن باقي بين اشلائي
فوق اشلائي 7 حيات
وقت الليل الحالك جاري
ثعلب لف 7 لفات
اه يا سنين الجرح الصادق
جوه عيونك
اه يا وعود بالفجر الكاذب
تحت رموشك
اه يا نسيم بروايح جيفه
في درب الكفر
كل اموات الوادي بتسجد
وقت صلاة العهر فى صمت
لو هتعودي أو هتموتي الكل سيان
جسدي رفات
حلمي رفات
فجري اهو مات و ثعلب لف 7 لفات